【新增動新聞】

香港單車聯會主席梁鴻德昨日透露，44歲香港單車王子黃金寶早前正式辭去香港單車隊教練一職，預計完成8月底展開的全運會後離任，意味他將正式結束近30年單車生涯。對於寶師兄辭職，現正放假並正努力完成教大健康教育學士學位的香港女車神李慧詩（Sarah），以及主項場地單車全能賽的23歲里約奧運代表梁峻榮也有不同感受。

Sarah說：「作為車手嘅時候，阿寶已經成日鼓勵我，做教練時佢會身體力行，有時踩公路會同我一齊踩，做教練同做隊友，佢都陪伴我哋；一開始成為大師姐都有好多時唔知方向，佢畀我好多意見。」她續稱：「其實冇唔捨得（阿寶離職），希望佢向更遠嘅方向發展。多謝佢為體育嘅付出。」

同為公路單車隊主要成員之一的梁峻榮說：「他辭職好可惜，但我明白每個人一生最重要嘅係家人，當刻佢嘅家庭、小朋友都好需要佢。佢為單車運動已經獻出30年，亦係時候畀返啲時間屋企人。阿寶值得學習嘅地方有好多，我亦好感激佢係過往一段時間以教練身分去教導我哋，佢過去三年的確有好多具份量嘅嘢感染我。多謝你，黃教練。希望日後我哋可以再有機會合作。」

前香港單車代表楊英瀚，在fb寫上對阿寶辭職的感言指：「如當初沒有這個人（黃金寶）的堅持不懈，就不會有今日的大環境。向帶領香港單車運動發展起飛的露魂人物致敬，這27個年頭辛苦了，真正的香港精神。」

記者：徐嘉華