經過千挑萬選，送畀香港嘅兩隻熊貓經已敲定，因為未改名，暫時只係得個編號，唔知真係咁啱抑或係特登，隻熊貓仔仔個編號，居然係606！即係今日掛牌嘅中糧控股個上市編號！而熊貓囡囡嘅編號係610，即係前一排幾好炒嘅惠記囉！
其實，中糧同隻熊貓有好多嘢都幾相似，大家都係萬眾期待（日日有新聞出街）、嚟自祖國（熊貓嚟自四川，中糧嚟自北京）；同埋得到國家祝福（國寶出國一定要有國家批准，中糧來港上市一定要獲證監會審批）。
華華諗，咁都揀得中606，係咪預視中糧今日有運行呢？另一個角度睇，噚晚中糧暗盤價經已升咗超過44%，係咪又預視606可以順利喺香港開枝散葉呢？
不過，題外話，其實606前身係令唔少人又愛又恨嘅東寧高科技，大家會唔會有其他聯想呢？
[email protected]