人人都將本土掛喺口邊，都要身體力行支持先至係堅。公民黨喺呢方面都好出力，尤其覺得要支持本土電影，所以特別舉辦《選老頂》電影播放會，仲喺播放後搞埋分享會，請嚟導演邱禮濤同觀眾分享炮製本土電影嘅心得！

八方問過公民黨，佢哋話都有留意到《選老頂》係三級片，未夠18歲無得入場睇，唔夠老少咸宜合家歡，但由於電影有政治含意，而且又係本土電影，都係值得支持下。

佢哋呢次電影播放會喺16日，即係嚟緊嘅星期六上午10點半，喺MCLJP銅鑼灣戲院2院舉行，之後有分享會，門票分300蚊同150蚊，扣除成本後會撥作公民黨營運開支。

詳情可以參考︰ http://bit.ly/1V3iVbw