上一季的歇暑空檔較長，到九月中才開鑼，所以開鑼前的試閘特別多，睇試閘都睇到暈。以嘉年華之前舉行的試閘計，共有23組，相比之下，今季嘉年華之前的試閘總數只有20組，數目好像只略為減少。但記得上季嘉年華前一日的泥地試閘，因為天氣而取消，推遲到其後的星期一補試而已，實際上試閘馬的數量必更多。
不過有趣的現象是，上季試閘之馬雖然多，但首幾個回合賽事出馬不算踴躍，開鑼戰雖然有過半場次出馬滿額，但到谷草開鑼夜馬時，則變成過半場次出馬不滿額了！講到試大閘，上周六嘉年華閘沈集成馬房有多駒出試，用人方面除了潘頓之外，韋達、田泰安等也有出試其馬匹，之前亦見此廐馬交新公司騎師史卓豐出策，相信這些騎師都是沈廐合作的對象。
不過，明顯潘頓所獲的支持，數量及質量方面都較人優勝，查沈、潘這對騎練上季合作次數其實不多，只有28次而已，但成績是10冠4亞，有一半入Q。開鑼日潘頓暫卜定沈廐三駒，包括「超有利」、「秋月春風」及「眼光獨到」，其中報跑五班1400米的「眼光獨到」，剛嘉年華閘由潘頓出試第二，做足準備落五班一箸夾中。