方大同下晝同埋白安喺尖沙咀一間酒店，出席第二屆香港春浪音樂節記者會。

講起戶外表演，大同就話自己覺得氣氛好好多，雖然都想喺香港試吓搞戶外演出，不過香港因為冇乜場地所以搞唔成。

噚日舉行嘅7.1維穩騷《香港巨蛋音樂節2014》怨聲四起，仲有觀眾投訴私人物品未經同意就被丟棄。

大同就話自己覺得音樂會氣氛最重要，不過因為唔清楚成件事始末，所以唔可以評論太多。

至於白安就話覺得表演期間，可以望到天空會令自己好舒服。第一次參與春浪嘅佢仲話會唱好多9月先發行嘅新專輯新歌喎。