馮仁昭四圍超：英皇靚仔碩士難忘港大恐怖情癡
蘋果日報 2002/01/23 00:00
大律師清洪個契仔，即係英皇新人、擁有港大醫學院藥理系碩士學位嘅周英傑（Bernard），原來佢幾年前喺港大讀醫時有啲出位嘢。
馮仁昭聽個大學生親戚講，Bernard當年讀醫時同啲男同學冇乜兩句，但女同學就好鬼鍾意黐實佢，其中有一個女生就苦苦咁癡纏佢。
向校方求助
話說當時有個讀另一系嘅女生，日日都坐喺通往學校飯堂嘅走廊等Bernard出現，每次個女生就只係眼定定咁望住佢，一粒聲都唔出。
之後Bernard就不時收到寫得好恐怖嘅情信，佢覺得事態嚴重，所以向校方求助，點知院長插手處理，聽講最後個女仔俾校方勸佢去睇精神科醫生，而且開除埋學籍，Bernard亦憑呢件事喺港大聲名大噪。
馮仁昭問Bernard係咪有呢件事，佢承認有呢件事，並話：「當時我成日收到朱古力同情書，起初以為係啲同學整蠱我，後來先知係個女仔做，情信寫乜就唔想講，總之好得人驚，所以先通知校方。
「後來知佢被開除都有啲唔開心，話晒佢係因為我嘛，不過佢最後有冇睇精神科醫生我就唔知。」
馮仁昭聽個大學生親戚講，Bernard當年讀醫時同啲男同學冇乜兩句，但女同學就好鬼鍾意黐實佢，其中有一個女生就苦苦咁癡纏佢。
話說當時有個讀另一系嘅女生，日日都坐喺通往學校飯堂嘅走廊等Bernard出現，每次個女生就只係眼定定咁望住佢，一粒聲都唔出。
之後Bernard就不時收到寫得好恐怖嘅情信，佢覺得事態嚴重，所以向校方求助，點知院長插手處理，聽講最後個女仔俾校方勸佢去睇精神科醫生，而且開除埋學籍，Bernard亦憑呢件事喺港大聲名大噪。
馮仁昭問Bernard係咪有呢件事，佢承認有呢件事，並話：「當時我成日收到朱古力同情書，起初以為係啲同學整蠱我，後來先知係個女仔做，情信寫乜就唔想講，總之好得人驚，所以先通知校方。
「後來知佢被開除都有啲唔開心，話晒佢係因為我嘛，不過佢最後有冇睇精神科醫生我就唔知。」
早排喺深圳拍戲俾賊持槍打劫，好在只係有驚無險嘅盧惠光，之後又俾雜誌影到佢除夕夜同個內地女仔一齊喺街行。唔知係咪咁，佢老婆黎淑賢上個禮拜去到深圳玩突擊。嗰日黎淑賢上到去，事先同佢老公啲同事講，秘密安排佢偷入老公酒店間房，等盧惠光返房時有個驚喜，點知佢老公一開門真係俾黎淑賢嚇咗一跳，之後盧惠光就講笑話：「你個衰婆，收買晒我班同事！」
李連杰拍完《英雄》部戲後已返美國休息，準備同家人過年。佢老婆利智專門為杰仔理財，咁利智其實係一個幾精明嘅女人。記得當年楊受成同成龍係咁叫啲圈中人投資上海明星城，好多明星都以為有金執，爭住投資，但利智就叫杰仔唔好參加，結果呢塊地做完停車場就做菜欄，明星城就影都唔見，唔怪得杰仔都要讚吓老婆夠醒啦！
顧紀筠噚日喺電視城四周圍派請柬，佢自稱自己打工間公司，會投資九位數字開意大利鞋舖，下個禮拜一間鞋舖會做一個VIP日，凡拎住請柬嘅人，都會免費獲贈靚鞋一對，顧紀筠話：「啲請柬畀咗沈殿霞同汪明荃，見到其他同事都會派畀佢哋，當係益吓自己人嘛。」
樊亦敏最近開咗間美容院做老闆娘，日前佢喺跑馬地便利店買嘢，重成手時裝美容雜誌，樊亦敏話佢去探個auntie，呢排就忙緊搞美容院嘅嘢，所以買多啲雜誌睇，睇吓喺邊本書度落廣告好喎。