噚日下午，亞視財經節目《理財博客》主持章佳強喺亞視總台門外受訪，當時問佢公司遲遲唔出糧，章佳強竟話唔覺得公司過份：「因為由舊年已經睇到今年經濟環境係會差啲，唔單止媒體，其他行業都係，公司啲老闆喺內地嘅財力唔係有太大問題嘅，好似資金都OK，可能係其他方面支配運作有啲阻滯。」（新聞連結： http://goo.gl/jgzNGn ）言語間，章佳強對亞視仲十分有信心。

不過，天黑之後，宣佈清盤後，章佳強反而睇前景清晰咗，佢喺fb貼文分享自己一直以嚟好努力好努力搞好個節目。

章佳強寫道：「最後一日終於來臨，好開心觀眾馬仔入來總台送咖啡，仲有一班好同事一直以來的努力。雖然好多目標最終實現唔到，尤其財經台搞咗兩年都搞唔成真係好可惜，14年成功遊說金商投資代理財經台，去到簽約一刻突然無糧出要剎停，2015年新主入主亞視後，以為可以開財經台，結果今次連間電視台都完結，真係非常遺憾…

「我成日都諗，亞視成日被人唱又點，我做好自己做到你鍾意為止，內容為王！財經最緊要準，資訊多料夠快！今日好難過，亞視雖然完結，但實有機會再見！」