【乃木坂之恥】大和里菜做二奶兩年 陪吸毒人夫再惹禍上身

蘋果日報 2018/09/19 20:10

乃木坂46大和里菜三田佳子高橋祐也
    日本女子組合乃木坂46前成員大和里菜形象欠佳，佢於2014年因未成年飲酒兼攬仔，被解雇退團後一度盛傳拍AV，年前更被爆同著名女星三田佳子嘅已婚不肖子高橋祐也搞不倫，又被男方家暴打到肋骨骨折，是非不絕。
    高橋祐也於本月11日第四度涉毒被捕，新一期《週刊文春》爆料指，佢在被捕前一晚即9月10日，原來同大和里菜在澀谷區一間烤肉店發生爭吵，高橋祐也在混亂間發狂破壞女方嘅手機，繼而驚動警方，高橋被要求驗尿後證實呈毒品陽性反應，翌日即將佢拘捕。《週刊文春》記者在高橋出事後三天，追訪事件中嘅女主角，但大和里菜卻不發一言。據報指，大和里菜搭上有婦之夫高橋祐也長達兩年，男方花費在大和里菜身上至少1,000萬日圓（逾70萬港元），更把二奶介紹俾母親三田佳子認識。
    大和里菜早前參加網上平台AbemaTV節目《真實開司大賞》，為1億日圓（約750萬港元）奬金豁出去激吻大肚腩諧星堀田世紀安東尼，仲要濕吻20秒，驚嚇畫面引起網民譁然。呢個節目以各式各樣過激關卡考驗參賽者，存活到最後嘅優勝者可獲1億日圓，大和里菜就挑戰女性限定項目，同安東尼濕吻畫面公開後，遭網友批評佢似足拍AV，仲狠批大和里菜為錢接吻十分噁心，更被轟係乃木坂之恥。
    精選娛聞，喺晒《娛果》
    http://fb.com/appledailyent
    empty
    大和里菜做二奶兩年，近日再惹禍上身。
    empty
    高橋祐也係著名女星三田佳子嘅不肖子。
    empty
    大和里菜被《週刊文春》追訪，出街片段遭打格。
    empty
    大和里菜早前參加節目《真實開司大賞》
    empty
    為奬金豁出去同諧星堀田世紀安東尼濕吻20秒。
    empty
    大肚腩諧星堀田世紀安東尼真係好重口味。