負責監控新盤銷售嘅一手住宅物業銷售監管局(銷監局)，原來日前出現咗人事變動。原本嘅專員馮建業，同原本嘅食物及衛生局副秘書長（食物）陳鈞儀互換職位，剛剛昨日已經生效。

一手新例由13年4月底實施，至今剛逾3年，只係做過一宗檢控咁大把，馮建業都不時被批評為「無牙老虎」，次次見親記者都被窮追猛打。不過，據局方內部人士講，今次變動係昨日星期二開始，強調專員換人好平常，「A.O.成日都調來調去」，今次變動完全同該專員的功績表現無關，叫傳媒「唔好諗多咗」。

睇返新任專員，據政府嘅資料顯示，陳鈞儀是於1987年加入政府，做過保安局同公務員事務科等部門；至於做食物及衛生局副秘書長，主要負責規管有關食物供應、食物安全標準等。

掌握財經生活資訊，即Like「蘋果ATM」fb專頁啦！
http://fb.com/appledailyatm