荃灣德士古道39號德泰大廈安裝在後樓梯電力裝置，因電線鬆脫令電壓突飆升，有住戶電器被燒毀，向《蘋果》反映；機電工程署跟進後，揭發大廈未按條例規定，按時提交定期測試電力裝置證明書，機電署將就此採取行動。

德泰大廈有住戶投訴稱，上月中在家使用電腦時，電腦主機突然「噠」一聲冒出火花，他登時大嚇一驚。
「我好正常咁用啲電器，又成日檢查屋企入面嘅電力裝置，都唔知點解啲電壓會突然升高咁多；我都損失咗幾千蚊嚟整番啲電器，好彩我嗰陣喺屋企，唔係就危險！」
「起初我重以為係部電腦開得太耐燒咗，後來始發現，原來屋企入面好多電器，好似錄影機、冷氣機、電門鐘，同電話嘅火牛都燒咗；我再用測電表check（檢查）吓電壓，竟然有成380伏特，正常嘅應該只得220伏特，唔怪得啲電器會燒晒！」

電壓由220升至380伏特
住戶稱，並非要追討賠償，只想得悉事發原因及預防方法，避免事件再發生，故向《蘋果》及機電工程署反映，要求跟進。
機電工程署跟進後回覆本報證實，當日德泰大廈電力供應之電壓，曾不正常升至380伏特，而非正常220伏特，機電署與中華電力公司聯絡及追查原因，證實當日中電供電電壓正常。
經調查，機電署懷疑投訴人所住樓層電力裝置，安裝在該層後樓梯的100安培總掣內，有電線鬆脫，是導致電壓不正常原因。