張繼聰今日喺銅鑼灣出席品牌活動，啱啱拍完劇嘅佢，分擔太太湊女工作，阿聰話囡囡雖戒夜奶但精力充沛，晚上湊女陪睇晚間劇集：「細個睇，對張家輝做壞人冇概念，我都有同家輝講阿女第一套劇就係睇佢。」阿聰指囝囝都會主動照顧妹妹，十分幫忙。

今日張繼聰到加拿大登台，稍後又要去內地拍戲，佢表示唔捨得女兒：「我係群腳仔，相信聽日喺飛機上嚎哭，去第二度做嘢會home sick，太太幫手執行李，我一開喼見佢執得咁好又會喊，今晚應該會好似失戀般心情低落。」笑言離港數天都似度日如年，仲有電話中全是家人照片，但為免家人呷醋，會挑選一張齊人嘅合照放喺電話鎖鍵螢幕。