【被屈P圖】張新悅怨合照變核突膠面 薛芷倫指當事人曾讚影得靚
袁詠儀薛芷倫張新悅
薛芷倫(Fanny)日前喺Ig,貼咗一張佢與張新悅同袁詠儀三人合照,Fanny更用「世紀合照」、「世紀大和解」來形容。今日張新悅出席活動期間受訪,言談間似乎對於Fanny呢張合照唔多領情,仲反指Fanny過份P圖(新聞連結: https://bit.ly/2Nag6Uw ):
「唔知咩一回事,最慘相張搞到我好似膠面咁,好多p圖,其實我哋皮膚好靚。」
「其實大會仲有好靚相,不過Fanny(薛芷倫)攞咗呢張呢post。」
「Fanny 擺相係佢嘅決定,我最傷心張相咁膠面,好想拎張靚啲嘅相畀佢睇,膠面好核突,暫時冇需要,廿年後先啦。」
《蘋果》向Fanny了解,她回覆稱:「個晚喺個宴會上面,氣氛好好,好融洽,我哋三個有傾有講,仲用咗我部電話,用嗰部美顏相機影相selfie,佢哋仲話影得啲相好靚,成晚係玩得好開心,我覺得我相信,靚靚都同意,嗰晚係一個好開心嘅一晚。」
問到Fanny有否P圖?她否認此事:「我就冇P過圖,亦都冇P人哋個樣,大家一齊用美顏相機玩影相,大家都玩得好開心。」問到是否張新悅誤會咗你P圖?Fanny就以3個笑口emoji公仔回應,再補充:「我肯定我同靚靚,喺嗰晚宴會,過咗好融洽、開心嘅一晚。」
再問Fanny呢件事會唔會影響佢同張新悅感情,佢就大方話:「同枱食飯、相聚都係一個緣份,隨緣。」
精選娛聞,喺晒《娛果》
http://fb.com/appledailyent
薛芷倫當日影靚靚張新悅「世紀大和解」合照不被領情,張新悅反指對方P佢圖,令佢膠面。(IG截圖)
就係呢張「世紀大和解」相出事,Fanny解釋用美顏Apps影,不過就無P任何人圖。(IG截圖)
日前,薛芷倫喺活動上遇到張新悅同袁詠儀。(IG截圖)