有長者早前到百佳超級市場購物，離開時卻觸發防盜器警號，被職員指「偷嘢」，要求搜查手袋，嚇得同行孫兒大哭，最終證實誤會一場，事主不滿超市職員太莽撞。
蕭小姐稱，其母帶同4歲半外孫早前到淘大花園百佳超市購物，婆孫兩人選購了一些水果及零食後付款離開，惟經過超市門口防盜器時，即時響起警號。婆婆尚未回過神，已經被一名超市女職員指摘「阿婆偷嘢，要睇吓你個袋！」蕭小姐事後獲悉事件，不滿超市職員在大庭廣眾下，指其母盜竊和要求搜查手袋，「第一次搜唔到嘢，走嗰陣，防盜器又響，職員又大大聲話：『你一定有偷』，跟住就搶咗阿媽手袋摷多次！」她指超市職員始終沒有搜出未付款物品，但母親及兒子已被職員粗暴行為嚇壞，「咁多人面前俾人話偷嘢，好尷尬，仔仔仲驚到當場喊出嚟！」