民主黨何俊仁話要參選，做個「奶茶特首」，以示同飲紅酒上等人唔同，呢條「橋」，話咁快被抄襲，唐唐前日同老婆落區，一家三口去灣仔金鳳嘆馳名冰鎮奶茶，之後同老婆行街市買餸，好好先生仲返屋企玩埋煮飯仔。

咁溫馨嘅落區活動，由金鳳茶餐廳開始，據唐唐公關講，佢哋除咗飲奶茶，仲食咗雞批同菠蘿油，又同侍應、茶客討論街市行情、時事，即係好似廣播劇《十八樓C座》咁樣。食完嘢，唐唐同老婆行街市，去附近鹵八鵝店買咗鵝片及掌翼，又去四代經營嘅成發椰子香料店買咖喱返屋企煮飯仔。