佢個人分析，單睇新界東形勢，現時泛民同建制六三開，建制派要贏嘅機會真係唔大，即使泛民協調唔到，派兩支旗出嚟，而建制派只一人出戰，建制派輸嘅機會仍然好大。佢話如果留番2016年先參選，比例代表制下，鄉議局勝出嘅機會大啲。講吓講吓，本來雄心壯志嘅佢，似乎想喺補選食花生多啲。
如果鄉議局補選最終唔派人，會唔會幫其他建制派抬轎先？向來牙擦嘅侯志強話，咁梗係睇吓有冇人要鄉議局幫手先啦，冇理由人哋都未叫，自己走出嚟幫手㗎嘛。簡單嚟講，即係邊個要鄉議局嘅票，應該主動嚟「拜票」。佢又透露，過去一年多，每個星期都會包起一家餐廳，畀50個街坊報名擦番餐，每個人頭使費為30幾蚊，佢話覺得呢個做法好過其他黨派掛「成功爭取」嘅橫額。
花生友