【獨家專訪】仍然勇武?唔撐港獨? 黃台仰:由攻變守抗惡法
黃台仰
流亡德國的本土民主前線前召集人黃台仰和成員李東昇,早前在六四30周年前夕公開隱藏逾年的難民身份,呼籲國際關注港府硬推《逃犯條例》修訂。二人在德國柏林接受《蘋果》專訪,黃台仰說,《逃犯條例》修訂將把香港「收皮」,港人有必要將對中共的不滿告知世界。他否認不再支持港獨,而是按局勢調整策略,面對惡法當前,與本港泛民合作「唔會唔可能」。
本民前黃台仰和李東昇早前公開其難民身份後稱,現時不再提倡港獨,隨即被部份輿論質疑是背棄因旺角騷亂入獄的梁天琦和港獨支持者。黃台仰接受《蘋果》專訪時否認不再支持港獨,「我係話唔提倡,唔代表唔支持」,並指至今仍認同「以武制暴」概念,「一直所講嘅以武制暴,係面對政權同警察嘅暴力,我哋要用番相應程度嘅力量去對抗」。
黃台仰說,2015年成立本民前時的心態是想和政權鬥爭,「係可以有進攻,可以有防守」,當時嘗試「進攻」。不過,中共越趨專制,近年香港一直處於「捱打」狀態,《逃犯條例》修訂更是進一步把香港「收皮」,黃認為策略上有需要變得較保守,集中「防守」港人原有的自由、民主及人權等。他說要成功「防守」就必須引起國際關注,二人會繼續與不同國家議員聯絡,解釋香港情況,而民陣6月9日發起大遊行反修例,港人也要清楚地告知世界,怎樣不滿中共的統治手法。
被問到本民前與一向主張和平理性非暴力的民主派有何分別?黃認為,本民前會隨局勢有不同策略,與甚少改變的泛民仍然不同,「我相信所有想香港好嘅人,都希望爭取番香港人應有嘅權利,可以保護番我哋有嘅嘢,而佢哋(泛民)策略、手法係咁多年都無變過,我哋2014年之後嘗試用啲新手法,睇吓有無新出路,咁然後發生咗好多新事情,亦了解多咗敵人,先可以調整策略,搵到個合適方法,同佢鬥落去又好,保護香港又好」。
不過,黃坦言,本民前與泛民現時要共同應對惡法修例,「若然有啲咩可以大家溝通,覺得okay可以一齊做,我唔會話(合作)冇可能」,過去本民前也曾和泛民對話,「當時唔係完全切割,只不過係大家當時對成個政治局勢睇法好唔同,所以暫時搵唔到合作或磨合嘅位」。
身陷囹圄的梁天琦是否知悉二人調整策略?黃說,與梁是很有默契的長期戰友,「唔需要解釋咁多」。他透露,流亡後曾與梁聯絡,但隨着梁入獄,基於安全理由不便寫信,至今一直未有接觸。但他說,如梁在獄中有看新聞,相信也會為他們獲得庇護感到高興,「走之前,佢好希望我哋有個安全、唔錯嘅生活,呢個係佢同我哋講嘅嘢」。他更透露,有德國議員料將就梁天琦事宜有下一步行動。
李東昇說,流亡外國不但是因為自己要面對審訊不公,更希望藉自己的難民身份獲批,向國際社會證明除了他們,「而家(在港)坐監嘅政治犯,佢哋嘅審訊都係不公平嘅!」李說,德國大學生話題多圍繞生活,但香港年輕人卻要討論上街,縱然自己能否返港是未知之數,但會繼續為香港的前途努力,「香港作為自己嘅根,希望所有人可以活喺有自己權利、自由嘅地方」。二人指,暫未有計劃組織其他流亡海外人士,而近日就忙於應付考試,並即將在哥廷根修讀大學課程,亦打算認識在德港人,了解他們的想法。
日期:6月9日(日)
集合地點:維園草地
時間:下午2時30分集合,3時正起步
遊行路線:維園草地遊行至金鐘添美道立法會
(資料來源:民陣)
-----------------------------
新聞有價 你肯為《蘋果動新聞》付幾多錢?
https://hk.adai.ly/QDTT6y5mgX
黃台仰接受《蘋果》專訪時否認不再支持港獨,「我係話唔提倡,唔代表唔支持」。何家達德國柏林傳真
李東昇說,流亡外國不但是因為自己要面對審訊不公,更希望藉自己的難民身份獲批,向國際社會證明除了他們,「而家(在港)坐監嘅政治犯,佢哋嘅審訊都係不公平嘅!」何家達德國柏林傳真