早前郭偉亮（Eric Kwok）因為喺網上貼出ViuTV《全民造星》節目相，以“Raise ur hand if you are not gay!"（如果你不是同性戀者，請舉手）問參賽者，之後他解釋一切全是誤會，又指自己交代不清所致。其後藍奕邦撰長文（新聞連結： https://bit.ly/2QfcSSf ），痛斥Eric Kwok是「慣犯」。

之後Eric Kwok未再就此事回應。至噚晚他到金鐘出席活動時，一次過回應稱：「我絕對唔係恐同，只係怪自己喺ig個post解釋得唔係好清楚，一句說話而變成議論話題，令到有啲人好敏感，我明白佢哋嘅處境係好大壓力，喺香港其實唔易去Deal with呢啲嘢，尤其係中國人社會。」

「其實嗰次係《全民造星》入面我係教一班學員，點去面對傳媒尖銳問題，呢個只係開場白，想睇吓佢哋會點樣處理，估唔到今日身為導師嘅我，要以身作則，面對大家嘅尖銳問題，同傳媒好好合作。」之不過講到藍奕邦嘅言論，Eric Kwok就話：「關於阿邦嘅嘢，全部都唔會回應。由頭到尾都係我哋兩個人嘅事，如果佢有需要可以搵我，不過佢冇聯絡過我。」

_______________________________
睇埋呢度：
【同任《巨聲》評判】Eric Kwok當眾叫男參賽者提防藍奕邦：小心佢帶你返屋企
https://bit.ly/2xf3kOC
_______________________________

那會否主動聯絡阿邦？Eric Kwok只係話：「關於佢嘅嘢都係唔回應，只係怪自己冇好好講清楚而令人誤會，做幕前係要慎言，我都同Eason（陳奕迅）傾過，話晒我第一次發生，係有啲唔開心，做幕前就會有啲咁經歷，去學識點樣去處理。」Eric坦言：「佢真係一個好好朋友，患難見真情。」

同場嘅許志安（安仔）話自己都支持環保活動，講到鄭秀文新碟以性感泳衣造型示人，安仔話：「點解要我批准？幾靚幾有型呀！好嘢應該攞出嚟喇，唔靚就話啫，夏天嘛，唔通着樽領咩？」佢仲講笑話：「我冇咋，有我都拎出嚟喇！」

精選娛聞，喺晒《娛果》
http://fb.com/appledailyent