佐治古尼老婆就生得 落禁令唔准老公遠行
佐治古尼George ClooneyAmal Clooney
佐治本來要去亞美尼亞出席活動,被老婆say no。
仙蒂歌羅馥(Cindy Crawford)亦已一早準備咗孖B嘅BB衫送畀佐治夫妻。
56歲嘅荷李活影星佐治古尼(George Clooney)本來星期日就去亞美尼亞共和國首都葉里溫出席人道主義組織舉辦嘅頒獎禮,去年有去嘅佐治今年竟然缺席。佢事先拍咗段短片解釋失約原因:「我真係好想嚟,但係如果我嚟咗期間,而太太就生咗孖B,我就永遠都唔可以回家。」
佐治嘅39歲太太Amal預產期係6月,即係就快生得,唔怪得Amal要向佐治落禁令唔俾佢遠行。據悉佢哋現時喺英國家人等待BB嘅來臨。佐治嘅老友仙蒂歌羅馥(Cindy Crawford)亦已一早準備咗孖B嘅BB衫送畀佐治夫妻。