當年今日
關於我們

新聞之花家庭樂趙海珠、李家文帶仔晒溫馨

蘋果日報 2014/01/06 06:00

趙海珠新聞之花李家文

唔少新聞之花都結咗婚嫁人,甚至仲生埋BB組織一個幸福家庭。喺噚晚,有兩位新聞之花都不約以同咁喺微博到貼咗自己囝囝嘅相,好可愛啊!

珠珠趙海珠舊年年頭生咗囝囝熹熹,之後珠珠不時貼熹熹嘅相上微博,同大家分享喜悅,上年就貼咗一張熹熹揸玩具車嘅相,但玩具車都大有來頭,係一架林寶堅尼,細細個就已經揸靚車,大個仲得了?而喺噚日,珠珠同佢媽媽就帶熹熹一齊去到海洋公園都玩,仲同熹熹一齊坐旋轉木馬,睇見到開心。

第二個就係李家文,噚日佢就帶埋佢囝囝「梁生」(李家文喺微博咁樣稱呼囝囝)去運動場玩,當然影咗好多靚相啦。囝囝擺嘅甫士都幾chok喎,十足十一個迷你模特兒咁。

囝囝做完小model,輪到媽媽做model畀囝囝暘,仲影得唔錯添,李家文亦開心share:「未夠三歲,首次操刀幫媽媽拍這單人相片,算不錯了:」有潛質呀梁生!

另外,喺上年12月25號結婚嘅談美琪BB,啱啱就去咗新加坡度蜜月,佢喺微博到貼咗一張跳跳虎喺機場嘅相,仲話:「Honeymoon之星馬遊第一日!一到步即去nightsafari再食文華海南雞飯!正!」