外遊時不妨𥄫吓左右，可能會有驚喜發現。有中國網民近日喺網上分享一批北海道新千歲國際機場影嘅相，入邊有一班戴住粉紅色帽嘅小朋友舉起V字手勢，圍住個笑得好燦爛嘅伯伯，而嗰位咁精靈嘅老人家，就係大家響香港無乜可能撞到嘅「超人」李嘉誠。

國內媒體就話，嗰時超人響機場等緊上飛機。雖然佢衣著平凡低調，但都俾帶班同學仔嘅帶隊老師好眼利咁發現咗，於是乎膽粗粗行去問超人可唔可以大家一齊影相，就成全咗幾張大合影。超人響相入邊唔使人扶，亦都無用枴杖。幾廿年嚟朝早起身做運動，睇嚟佢身體保養得相當之好。

以後大家記住去旅行就唔好掛住Post相上IG曬命，得閒就四圍行下，可能臨上機返香港之前，會影到成個旅程最特別嘅一張相。