一直有傳亞視財困，早前更大裁員，不過今日在亞姐總決賽記招上，亞視宣佈林文龍加盟，成為亞視副總裁，並由亞視執行董事兼聯席主席鄧俊杰及亞視非執行董事兼聯席主席賴彩雲向他頒發職員證，明年1月正式上任。

受訪時，林文龍坦言是受薪工作，與賴彩雲是好朋友，但都要審慎考慮一段時間，他說：「雖然我從影30幾年，做過TVB、ATV、HKTV，對呢行有一定認識，但我要考慮好多因素，我要推晒所有幕前工作，我要搵人返嚟輔助我，一個電視台必須要有自己嘅作品，我對劇本要求相當高，唔希望再有『飛紙仔』出現。」有否留意早前亞視曾有意重拍《英雄本色》電視版，林文龍表示會跟進。

提到有傳亞視財困，是否考慮因素之一？林文龍說：「唔會，我哋唔會自大講我哋後面實力有幾強大、資金有幾充裕，我哋會好務實去做好面前嘅嘢，我哋需要一步一步嚟，雖然亞視係歷史悠久嘅電視台，但呢幾年公司比較空洞少少，所以我上任之後，好多嘢係需要重整，喺呢一刻，我夠膽講亞視財政係健康。」會否首選聘用無綫早前被裁員的員工？他說：「唔會，我首選係志同道合嘅人，私下其實有啲人係已經見咗。」

是否獲重金禮聘人手委以重任？年薪有多少百萬？林文龍笑說：「賴主席好體恤身邊朋友同工作團隊嘅人，我今日同佢未正式合作，我都知道佢嘅工作方針好錫員工，所以唔會刻薄員工，包括我。」會否邀請太太郭可盈出山？林文龍表示：「應該唔會，因為係要個女批唔批，個女嘅權力比較大。」

採訪：黃曉妍
攝影：仇志德

-----------------------------
《2019高級珠寶鑑賞誌》
點擊即睇過百款鑽飾名錶
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇