中港照相器材主席孫大倫上月娶新抱，婚禮被第一代0靚模活希兒穿與新娘同款婚紗踩場，孫家為保家譽，連日來在灣仔福臨門門外輪流「發功」:先是孫大倫攜細仔兼新郎哥孫道熙（Ryan）和新娘子林珊亭（Sandee）食飯，隔日又到孫大倫太太鄧秀英帶契女活希兒現身同一地點解畫，Sandee更臨危受命，被急召到場接載奶奶離開，好戲連場！

當日活希兒聲稱沒有跟Ryan拍過拖，但Ryan似乎心有不甘，前日又在facebook指桑罵槐寫着：「將來我會叮囑我的子女……唔認真的女朋友就唔好帶回家……小則家嘈屋閉，大則抱憾終身。」Ryan暗認與活希兒曾相戀，只是錯信他人，令活希兒大話現形。另有指活希兒被律師樓勸喻離職，為免事件再鬧大，她多選擇沉默是金，日前在facebook貼上：「Admitwhenyou'rewrong.Shutupwhenyou'reright.（當有錯的時候必需承認，當是對的時候不作解釋）」，似乎受了很大委屈。

而初入門的Sandee一直表現得大方得體，與活希兒世紀合照也面露笑容，難怪Ryan為獎勵老婆，近日飛去日本神山町再度蜜月，並勁讚Sandee賢淑說：「我相信Sandee會係一個理智的媽咪……睇佢呢排咁大方德睇（得體）就知啦！」兩人如此恩愛，此行大有機會為孫家添丁，喜上加喜。