【G-1格鬥第二季公佈詳情】錢小豪做教練羅孝勇倒戈做拳手
蘋果日報 2016/06/28 06:00
蘋果香港羅孝勇FormulaE錢小豪即時趙勁皓ViuTV杜恆霖吳雲甫G-1格鬥
- 今次G-1，錢小豪就話自己唔會落場打，但就有份策劃賽事同指導吓啲女仔。
- 其中一場明星賽，就係同樣喺無綫倒戈嘅羅孝勇對吳雲甫，羅生咁鬼大隻，唔唱歌，都唔愁冇出路。
- 教過唔少藝人，包括羅霖打拳嘅Bryan，話第二季賽事，仲有幾個神秘藝人會參加，但暫時就要賣賣關子。
- Byran噚日就喺fb貼海報，公佈詳情。
- 人母Hidy將會出戰。
- 郭思琳再參賽成數高。
- 據知，鄧穎芝初步答應參加，相信之前傷患已有好轉。
ViuTV第一季真人騷《G-1格鬥會》，喺一片是非聲之下結束，由於觀眾迴響大，早前有指電視台將開拍第二季挑戰賽，而今次同ViuTV合作搞賽事嘅世界泰拳拳王杜恆霖(Byran)，噚晚就喺facebook貼咗第二季賽事嘅海報，兼公佈賽事嘅日期。
不過最特別嘅係，海報中，一個女參賽者嘅樣都冇，反而有Byran大頭相，而企喺佢右面，就係錢小豪。小豪今日就用電話回覆話：「o依家同Byran傾緊比賽細節，到時要我指導吓班女仔都冇問題，不過我一把年紀，就唔會落場比賽啦！」
小豪話今次除咗有G-1女子格鬥，嚟緊10月仲會有場FormulaE賽事，到時會封咗中環幾條街道，除咗有賽車，亦都有拳賽，o依家已經邀請咗世界各地，包括法國、巴西同泰國等地嘅拳王嚟香港對戰。問小豪點解有呢個構思，佢就話：「我未入行前，打過兩、三年擂台，o依家對泰拳都仲係咁有興趣，所以今次自己拳館決定同Bryan合作，希望可以推廣吓呢個運動！」
至於Byran就喺電話中，透露第二季G-1比賽詳情。「今次會分6場，全部係一次性比賽，即係話我哋要搵12個參賽者，暫時好大機會參加嘅，除咗已知嘅鄧穎芝、阿旦(鄧洢玲)、郭思琳同Hidy(余曉彤)，另外仲會有幾個神秘參賽藝人參加，不過佢哋嘅身份，就要留俾ViuTV公佈啦。暫時只可以透露，嚟緊其中一場明星賽，會係羅孝勇對之前參加過無綫香港先生嘅吳雲甫，佢哋同無綫啱啱完咗約，另外，我哋同ViuTV亦都會合作搞健美先生比賽，而趙勁皓(King)已經答應咗參加！」
不過最特別嘅係，海報中，一個女參賽者嘅樣都冇，反而有Byran大頭相，而企喺佢右面，就係錢小豪。小豪今日就用電話回覆話：「o依家同Byran傾緊比賽細節，到時要我指導吓班女仔都冇問題，不過我一把年紀，就唔會落場比賽啦！」
小豪話今次除咗有G-1女子格鬥，嚟緊10月仲會有場FormulaE賽事，到時會封咗中環幾條街道，除咗有賽車，亦都有拳賽，o依家已經邀請咗世界各地，包括法國、巴西同泰國等地嘅拳王嚟香港對戰。問小豪點解有呢個構思，佢就話：「我未入行前，打過兩、三年擂台，o依家對泰拳都仲係咁有興趣，所以今次自己拳館決定同Bryan合作，希望可以推廣吓呢個運動！」
至於Byran就喺電話中，透露第二季G-1比賽詳情。「今次會分6場，全部係一次性比賽，即係話我哋要搵12個參賽者，暫時好大機會參加嘅，除咗已知嘅鄧穎芝、阿旦(鄧洢玲)、郭思琳同Hidy(余曉彤)，另外仲會有幾個神秘參賽藝人參加，不過佢哋嘅身份，就要留俾ViuTV公佈啦。暫時只可以透露，嚟緊其中一場明星賽，會係羅孝勇對之前參加過無綫香港先生嘅吳雲甫，佢哋同無綫啱啱完咗約，另外，我哋同ViuTV亦都會合作搞健美先生比賽，而趙勁皓(King)已經答應咗參加！」