今年啱啱做咗媽媽嘅吳若希，第一次以母親身份過母親節，自從囡囡Giselle出世之後，吳若希都好少貼Giselle嘅正面出嚟，但今日係母親節，佢都貼咗一張囡囡嘅正面相出嚟。

Giselle着住一件「I love Mama」嘅衫，頭上就載住花花，仲話：「祝各位媽媽母親節快樂～第一年做人母，感觸很深。最大變化是膽子變小了，很怕死～ 很怕自己身體差，很怕自己出什麼意外，留下我女兒一個，因為我想有長長的命教她做一個有同理心的好人，想陪她走過所有困難，想看著她長大找一個疼她的人出嫁。不期望Giselle以後要拔尖，只願她可以健康快樂地成長～～ 媽媽愛你。」