地產多聲道：
楊恭如、大姐Ming聯袂睇畢山
蘋果日報 2003/02/25 00:00
名星十居其九都鍾意靚嘢，衫褲鞋襪唔在講，衣食住行樣樣都講究。近排幾個豪宅大盤包裝得鬼咁豪，自然成為一眾名人影星必到之地。
其中，向來唔少名人都鍾意嘅九龍傳統豪宅區筆架山，大姐Ming（林建明）噚日就同埋女星楊恭如，齊齊去睇畢架山一號示範單位。聽講，大姐Ming早排都有去睇何文田山1號，又去過參觀擎天半島，睇嚟佢對九龍豪宅新盤情有獨鍾噃。
另外，聽市場講，「大哥」鄧光榮，噚日下晝三點幾，去俾電盈包裝成法國皇宮嘅貝沙灣參觀。官司纏身嘅歌星杜德偉，亦抽空到場參觀。
重有，近排因應貝沙灣氣勢凌厲，低調減價散西半山寶翠園嘅信德集團，聽講何博士兩位千金，超瓊同超鳳，噚日亦有前往觀摩一番。
其中，向來唔少名人都鍾意嘅九龍傳統豪宅區筆架山，大姐Ming（林建明）噚日就同埋女星楊恭如，齊齊去睇畢架山一號示範單位。聽講，大姐Ming早排都有去睇何文田山1號，又去過參觀擎天半島，睇嚟佢對九龍豪宅新盤情有獨鍾噃。
另外，聽市場講，「大哥」鄧光榮，噚日下晝三點幾，去俾電盈包裝成法國皇宮嘅貝沙灣參觀。官司纏身嘅歌星杜德偉，亦抽空到場參觀。
重有，近排因應貝沙灣氣勢凌厲，低調減價散西半山寶翠園嘅信德集團，聽講何博士兩位千金，超瓊同超鳳，噚日亦有前往觀摩一番。
港九多個豪宅新盤銷量報捷，其他發展商都想趁機分一杯羹，好似位於跑馬地成和道傳統豪宅區嘅單幢樓御駿居，都開始宣傳攻勢，蘭西昨日就收到佢嘅物業介紹。據知物業共有八個單位，屬低密度住宅，有三款間隔，有分層同兩至三層高嘅複式。
地產代理話，御駿居屬現樓，落成已有一段時間，之前聽業主講打算出售。不過近排豪宅當旺，計劃隨時有變，業主已轉口風，未決定租定賣，視乎市場變化決定。
由中原與十間機構創辦嘅「香港優質顧客服務協會」，上個禮拜搞咗個成立三周年酒會，中原黃偉雄、張奕威、黃炳榮同埋鄧意民齊齊出席，重請嚟唐英年致賀詞。協會每季都會頒發「最佳顧客服務獎」畀會員機構員工，評審標準除收集客戶意見外，員工間亦可以互相提名，總之做到每個獲獎員工都係實至名歸，亦收互勉互勵之效。
當人人話地產代理難撈之際，一位剛攞牌唔夠一個星期嘅經紀，話咁易就簽咗單何文田山1號九百幾萬成交，個人佣金五萬幾銀，認真和味。中原分行經理曾錫君透露，旗下新人陳樹榮，四十幾歲，先前任職物業管理，上個星期通過考牌試，領正牌去何文田山1號撈客，結果一擊即中。人到中年，轉行真係好講勇氣，睇怕政府可以搵陳生拍番段片，宣傳職業再培訓成效。
蘭西
電郵地址：
近期多個豪宅開售，吸引不少城中名人參觀。
圖為杜德偉
圖為杜德偉
近期多個豪宅開售，吸引不少城中名人參觀。
圖為林建明
圖為林建明
御駿居