立法會議員今晚開會後即刻趕去對面酒樓筵開五席,為兩位即將退休、分別服務立法會27年嘅法律顧問馬耀添(Jimmy)同21年嘅副秘書長林鄭寶玲(Justina)餞別,自由黨田少送上兩支巨型紅酒贈慶。
立法會主席曾鈺成發言時不忘搞笑,指兩人離開立法會後,唔能夠再睇到議員即場表演嘅「笑劇」同「互相問候的聲音」,笑指日後即使旁聽席爆滿都會為兩人留座。
喺立法會地位崇高「法律超人嘅Jimmy話,退休消息年休曝光後,議員見親佢都搞笑問:「你仲喺度?」、「仲未走?」佢覺得服務立法會咁耐,係一份光榮,透露7.1後會喺金鐘海富開設office,以後可以繼續望住立法會喎。
至於立法會「林鄭」就話,喺立法會服務嘅開心日子遠超唔開心,搞笑話最開心係日後唔使再一日三餐只幫襯立法會canteen,仲可以多啲時間睇鍾意睇嘅書添呀。