【備戰演唱會】日跑夜跑瘦5kg 孫耀威想練8嚿腹肌
演唱會孫耀威跑步
孫耀威(Eric)今晚去到中環海濱,參與一個音樂平台舉辦嘅夜間跑步活動,Eric聯同長跑運動員黃芷銦及40名樂迷一齊夜跑,順便備戰演唱會。
Eric表示,除咗最近要準備演唱會練跑,佢每日都有跑步習慣,Eric話:「自小學開始跑田徑隊,跑到大學,細個已經好鍾意跑步,我好似狗咁要放電,需要發洩出嚟。」
Eric表示每一晚都喺街邊跑邊聽歌,佢話:「最好用跑步嘅時間嚟練歌,好多歌好耐冇唱,用跑步嚟背歌詞,以前試過做騷唔夠fit,唱嘅時候好辛苦。喺我屋企樓下見到我唱歌,唔好以為我係儍佬。其實我鍾意一個人夜晚跑步,有時除衫睇下自己有冇byebye肉都唔怕。」
Eric表示o依家感染咗太太做運動,佢話:「我一個星期有五日做gym,佢都有跟我3日健身,跑步都有跟我去,最近我瘦咗5KG,太太話大髀肉都結實咗,好開心,自己未試過練到8嚿腹肌,好想今次演唱會能夠做到。」
精選娛聞,喺晒《娛果》
http://fb.com/appledailyent