【更新玄彬回應】
韓國娛樂圈今年勁多明星戀人宣佈分手，當中有李敏鎬同秀智、周元同BoA、Sulli同崔子、李準基同全慧彬等。

而今日韓國方面再有一對明星戀人分手收場，當中去年10月拍拖、同年12月認戀嘅韓劇《秘密花園》35歲男星玄彬同27歲女星姜素拉，兩人拍拖一年因各有各忙而分手。據兩人嘅朋友透露由於佢哋都屬於低調型，喺官方場合都會避免談及對方，不過佢哋就將分手消息告知身邊嘅人。

分手消息傳出後，及後玄彬所屬嘅事務所就確認分手消息，指玄彬同姜素拉因為忙碌嘅行程而分手，兩人重新回到前後輩關係，互相為對方加油。姜素拉方面亦同樣認分手。

更多韓流，喺晒《娛果》
http://fb.com/appledailyent