至於梁近日常談的一帶一路，指對香港有重大商機，但該商界人士笑言，他們心知肚明一帶一路仍停留於「得個講字」，「大家明白係政治需要，但一帶一路係救唔到香港面對經濟衰退，分分鐘到我個孫先見到一帶一路帶嚟嘅效益」。
另一商界中人指梁上任3年，對基層做了不少事，但對提升香港經濟，似乎沒有甚麼重大決定，「好似旅遊基建，董建華引入咗迪士尼樂園，煲呔任內都有郵輪碼頭、海洋公園擴建，亦開始對旅遊業有貢獻。梁振英上任至今做過乜呢？我諗唔到」，難怪一些挺梁商界人士也說，梁對香港經濟提出不少長遠願景，但忽略中短期措施，「萬一出年經濟衰退殺到，到時遠水救唔到近火，香港經濟會好麻煩」。