馮仁昭四圍超：
揀定靚衫做奶奶 朱玲玲：啟剛禁爆料 - 馮仁昭
蘋果日報 2012/09/28 00:00
最靚港姐朱玲玲嘅乖仔霍啟剛，喺11月11日就會同跳水皇后郭晶晶拉埋天窗，準奶奶噚日到九龍灣出席學生學習計劃頒獎禮，當然又再被追問啟剛婚禮籌備情況，朱玲玲有備而來話：「我都知你哋會問，所以先問咗個仔有乜嘢可以講，但佢叫我唔好講咁多。喜酒喺會展擺，我預咗套西式晚裝，屋企斟茶就着旗袍。」
霍家辦喜事梗係要過百圍，咁朱玲玲送乜嘢禮物，佢只肯講少少：「珠寶點都有少少，家傳之寶又有少少，唔係話好特別。」有傳啟剛喺北京買咗3,000萬豪宅築愛巢，朱玲玲就話：「個仔冇講呢啲，買乜嘢都唔好寫，寫咗又喺門口等。」不過佢透露個仔同新抱喺香港會有自己嘅屋企，實行過二人世界。
霍家辦喜事梗係要過百圍，咁朱玲玲送乜嘢禮物，佢只肯講少少：「珠寶點都有少少，家傳之寶又有少少，唔係話好特別。」有傳啟剛喺北京買咗3,000萬豪宅築愛巢，朱玲玲就話：「個仔冇講呢啲，買乜嘢都唔好寫，寫咗又喺門口等。」不過佢透露個仔同新抱喺香港會有自己嘅屋企，實行過二人世界。
朱玲玲一早知道記者會追問啟剛同晶晶嘅婚禮，事先做定功課。
啟山新女避嫌
另外，朱玲玲另一個仔霍啟山，近日被影到同位外籍女模Lea T.約會，前晚Lea到中環出席手錶活動，佢話知道自己喺雜誌出現，講到同霍啟山嘅關係，Lea以英文回答：「我跟他是好朋友，識了四年。」咁男方係咪追你？Lea笑笑口話：「沒有需要，好多女仔追他，我不想講太多私人感情事。」有冇機會一齊？Lea話唔知，因為大家生活圈子唔同，啟山會唔會係Mr. Right？Lea只話：「很難說，總之是好好朋友。」
Lea同霍啟山約會被拍，佢前晚話大家係朋友，仲爆男方多女追。