領匯（823）一如預期染藍，不能再以REIT量度其投資價值。除不停翻新旗下商場提升叫租能力外，亦透過買賣商場擴大版圖，儼然平民版地產霸權，但從投資角度看，則更具吸引力。用3厘回報做目標，短線可炒上55元，潛在升幅兩成，以其屈機營運模式，長線變紅底股不是夢。
滬港通似是疑非，上周五傳出監管當局向證券行追收滬港通保證金，概念股乘勢炒上，但最後又係冇料到，港股倒跌收場。唔通又中伏？咪住，689噚日上京出席APEC高峯會，引述阿爺話短期會公佈時間表，相信今日又有一番光景。滬港通只係稍有風聲流出，成交話咁易突破700億銀，證明熱錢準備就緒，只要長雞一鳴，就會爭住衝入場。
滬港通鑊氣再現，今日推介都跟隨呢個路線。洛陽鉬業（3993）H股上周五收報4.88元，A股報7.23人民幣，折合9.1港元，H股較A股折讓近五成，夠條件大炒。