（新增回應)

四太梁安琪大仔何猷亨被喻為城中筍盤，但自從前年與陳瀅分手後就一直單身。

年初，細佬何猷君喺網上公開為哥哥徵婚，留言：「他是上海市史上最年輕政協委員，我哥何猷亨！年輕有為、又上進、又帥，最主要的是單身。」仲話：「如果大家覺得可以擔當我嫂子這個重任的話，可以評論對我哥哥第一眼感覺。」不過，猷亨至今仍然係未有女朋友，唔知係咪念念不舊愛呢？！

《蘋果》讀者吳先生透過「爆相爆片」表示，日前見到猷亨同陳瀅喺下午三點幾，喺中環ifc一間出名嘅法國餐廳Joel Robuchon茶聚。吳先生話：「佢哋個位都幾開揚，全程有講有笑，食到四點幾就走。聽講間餐廳都係何氏家族有份投資，但埋單時猷亨都有畀錢。」之後佢哋就去咗連卡佛shopping。

其實猷亨同陳瀅分手後再見已經唔係第一次，去年十一國慶，佢哋又約埋一齊睇煙花，兩人互相對望時仲好Sweet添。（新聞連結： https://bit.ly/2wNHIHl ）

陳瀅回復傳媒時否認復合，佢以短訊回覆：「no la，咁啱撞到 say 個 hi only，佢本身自己喺到食lunch，我經過見到就座咗一陣only，坐咗10幾分鐘都俾人影到。」

此外，猷亨亦同樣以短訊回覆：「撞到，坐底食嘢，我不嬲都平時喺嗰度食lunch，食完lunch上ifc開會，之後撞到佢，傾一陣偈，就係咁。」

精選娛聞，喺晒《娛果》
http://fb.com/appledailyent