日本女星篠原涼子由女團偶像轉型成日劇界花旦，由佢主演嘅影視系列《夠薑師姐》大受歡迎，拍足10年，早前上映嘅最終作《夠薑師姐theend》開畫又贏得極佳之票房成績，佢之前已着住低胸裙到戲院性感謝票，其間仲疑似失手凸點。

篠原涼子噚日再次出擊，為咗賀新片累積70萬觀眾入場，同埋答謝影迷10年來一直支持《夠薑師姐》同埋雪平呢個角色，佢同埋導演佐藤嗣麻子現身戲院慶祝，篠原以角色戲服示人，談到10年來結婚後先後誕下兩個囝囝，篠原一時感觸，仲喊到對眼紅晒，佢話：「10年間大家支持，之後會覺得好寂寞，終於咁就完...」贏得全場掌聲支持。