Ian@MIRROR 28歲生日 直擊Hellosss豪花30萬租場派應援物搞驚喜
蘋果日報 2021/06/09 21:05
MIRRORIan生日
新增內容
MIRROR成員可謂集萬千寵愛在一身，已成為廣告界新寵，又深得fans喜愛，每當成員生日，fans都不惜工本，出盡「法寶」為博偶像一笑，一時悉心設計宣傳物品為偶像應援，一時又整偶像生日燈箱牌等，今日是Ian（陳卓賢）28歲正日生日，早前「Hellosss」揼本在11個巴士站落廣告，又設計Ian一系列Birthday 周邊商品。
繼上月尾姜糖豪花數十萬為偶像賀生日，fans又再發功！今日是另一成員Ian生日，Hellosss早在觀塘一商廈舉行預約制的生日Party，他的Hellosss亦密鑼緊鼓準備一系列應援驚喜，開了一個Happy Moment小組fans相聚，扭蛋機、影相區與派發應援物等，豪花30萬元。
早前《蘋果》訪問6位fans club成員，見他的Hellosss在會址佈置準備，雖然只是一個小小的辦公室，但她們落力設計安排，一連13日的慶祝活動，約700名fans參加。
Fans club中堅份子阿Cat與小儀十分欣賞Ian的才華跟個性，阿Cat說：「兩年前都有同Ian開過生日會，但係疫情關係所以冇得開生日會，但係都想同其他fans一齊分享呢個開心嘅時間，今次組織咗呢次生日會，扭蛋機裏面係一啲關於生日嘅小禮物、有一個photo booth可以同Ian合照、喺巴士站嘅廣告燈箱，都希望多啲人知道Ian，一齊慶祝吓。」
為偶像設計應援物
應援物由多位fans page的人負責設計，紙巾封套、鎖匙扣、memo pad等，其中「Stay Simple、Stay Happy」是Ian的座右銘，阿Cat說：「由Ian開始比賽，經歷咗好多嘢，疑惑過亦迷惘過，但佢都唔會放棄，佢認清自己目標，會繼續堅持去做，呢點係我最欣賞嘅嘢。」而小儀一生人首次追星，她說：「Ian唱歌好聽，有懾人嘅魅力，佢永遠一笑就融化你嘅心。佢點都會感受到我哋嘅愛。」而Hellosss的由來，Ian以為要跟粉絲打招呼就說「Hello」，結果鬧出誤會，Ian的粉絲自此成為「Hellosss」。
此外，Hellosss亦以Ian名義捐款至「點滴是生命」，捐款金額為港幣6900元，有關捐款會為柬埔寨有需要人士送上水井、水泵及生化砂濾系統2個，分別以Ian Chan及 Chan Cheuk Yin命名。不少Hellosss都大讚好有意義，「這是最好的生日禮物給Ian」。
Fans排隊入場
不少Hellosss紛紛到觀塘「參加」偶像的生日慶祝活動，不斷有fans在門外場排隊入場，開心玩扭蛋、合照兼購買應援物，非常有秩序。Cherry、Sally與Zoie結伴前來，她們各花上幾百元購買應援物，又大讚偶像唱歌好聽兼有才華，她們祝福說：「祝Ian生日快樂！希望可以作多啲歌同唱多啲歌畀我哋聽、拍多啲劇，我哋永遠支持你！」
只得15歲的伊淇與Ella是同學，前來是為了買Ian的應援物及拍照，伊淇說：「我都有見過Ian真人，佢好得意又有才華。」Ella更大讚偶像靚仔，她說：「生日快樂！繼續作多啲歌，加油！」
《蘋果》訪問6位fans club成員，見Ian的Hellosss在會址佈置準備。
今次fans小聚必須事先預約，不設walk in名額，每個時段只可逗留30分鐘。
由於 Ian在《全民造星》時，不時一副天然呆的表情，讓fans覺得他有點可愛，因此獲得「樹熊」稱號。
Fans club中堅份子表示十分欣賞Ian的才華跟個性。
她們亦有試現場影相位。
他的Hellosss悉心設計不少生日應援物。
場內亦有放「Little Ian」公仔。
他的Hellosss表示今次豪花30萬為Ian炮製生日應援驚喜。
早前一星期前，Happy Moment相聚活動的名額已火速售罄。
Ian Birthday周邊商品。
早前「Hellosss」揼本在11個巴士站落廣告。
Fans排隊入場。
Fans設計場內應援物。
Fans們見到貼滿Ian物品的牆壁，忍不住不停拍照。
Fans玩夾公仔機。
左起Cherry、Sally與Zoie結伴前來，她們各花上幾百元購買應援物。
伊淇（左）和Ella到場買Ian的應援物及拍照。
-----------------------------