宣萱今日喺尖沙咀接受吳綺莉，喺有線主持節目《不老的傳說》訪問，兩中女大談保養秘訣。

宣萱之前畀人話漲爆後，極速節食修身，個幾月減咗13磅，睇落fit哂。吳綺莉就用咗半年減25磅，仲話：「瘦咗後著得番以前做女時啲衫，0依家體重仲輕過個女。」

講到小龍女0依家都婷婷玉立，吳綺莉話好有成功感，至於女兒有冇拍拖，吳綺莉話：「未有，有我一定知，我哋乜都講。」