ViuTV《全民造星II》周日（15日）總決賽，丘凱雄（Hugo）的《山下見》搶走三甲光環，有人聽畢全首歌後更笑稱歌名應該改做《煲底見》。《山下見》中不乏「手足」、「時代」、「綠魔」等敏感字眼，賽後Hugo謙稱說：「有啲咩其他意思就留返觀眾自己去解讀。佢（指首歌）其實有幾層意思 ，無論喺比賽上，定還是喺其他角度都有。」不過ViuTV在直播中途沒有打出《山下見》字幕，ViuTV發言曾解釋，除《山下見》之外，JJ《邊Gang》及十強《前傳》同樣因為技術問題而未能顯示字幕。

原來同樣歌詞消失的《邊Gang》暗藏玄機，其深黃程度不比《山下見》低！當晚十強之一的JJ首輪表演項目選擇rap自創歌《邊Gang》，JJ唱到「我哋5個人一出手 你必定冇退路」時，就做出手勢，配合「五」、「一」、「冇退路」，更直白的是架倆所唱的下一段：
//五個人 一條心 十拳敵萬馬千軍
大軍大舉入侵 都只會覺得亢奮
數不清嘅硬仗裏面有 數不清嘅敵人
求饒 太遲 我未慣刀下留人

決勝時刻 依然保持住一貫心態
一仗功成 邊疆兄弟殺出新界
畢生絕學 呢個moment全部出晒
可以嘅話 舉起雙手繼續大嗌//
細心一看，會發現這段歌詞暗藏藏頭詩，即「五大數求 決一畢可」（「數」、「畢」、「決」即「訴」、「不」、「缺」諧音）。雖然電視直播沒有字幕，不過JJ表演時身後的螢幕就有播出歌曲MV，「五大數求 決一畢可」八個字特別以較大的字體展出。

JJ有意玩藏頭詩，呃到不少人，包括嘉賓評判霍汶希（Mani），Mani看完表演，都驚訝表示：「原來佢有參加過2015年新秀，我覺得佢真係唔錯，佢好帶動到現場氣氛。」

Hugo及JJ今日有為「星火同盟」成員被警方以「洗黑錢」罪名拘捕一事嬲爆，分別在IG爆粗鬧，Hugo反問：「咁點解有人收咗5,000萬仲可以安然無恙，DLLM.」而JJ就怒斥：「仆街，你屈人屈機到。」

-----------------------------
《2019高級珠寶鑑賞誌》
點擊即睇過百款鑽飾名錶
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇