英甲球隊諾咸頓開季4戰全輸，前領隊艾丁堡被炒後，亦都搵到新領隊人選，就係荷蘭名宿哈索賓基；呢位前英超神射手上年離開英冠昆士柏流浪後，亦都終於有工開，諾咸頓希望哈索賓基可以領球隊重返前列。

45歲嘅哈索賓基，球員時代踢車路士、米杜士堡等英超球會，拎過兩次英超神射手，最出名係大力金剛腿式重炮遠射，不過2008年退休後，轉行教波成績都唔係太好，只教過伯頓、QPR等低組別球隊。