徐子珊新年愛開工

蘋果日報 2007/02/19 00:00


徐子珊和高鈞賢隸屬同一個經理人,感情十分要好,兩人也與胡定欣十分老友,三人日前為本報於觀塘拍賀年照,兩女更頻頻整蠱高鈞賢。
三人表示最好農曆新年有工開,子珊說:「因為我爹哋媽咪去旅行,得番我一個,所以想返工,起碼返公司𢭃吓利是開心啲,好過一個人。」高鈞賢的理由則最為特別,他說:「我想去啲賀年節目,搵多啲錢,因為之前狂俾人抄牌,好陰功,所以希望搵多啲幫補吓呢排嘅損失,不過一班人過都好開心熱鬧。」
至於胡定欣稱每年年初一,一家人都會去伯父家拜年,初二就會去嫲嫲家,年年如是。問她為何今年想在新年返工?胡定欣笑說:「之前除夕我同一大班現場觀眾倒數,覺得氣氛好熱鬧,所以我想上賀年節目,感受熱鬧氣氛。」
採訪:馮美茵 攝影:陳順禎
場地提供:觀塘APM
徐子珊髮型提供:AsonWongfromHair
化妝提供:OmixB
empty
(左起)徐子珊、高鈞賢及胡定欣齊聲表示新年返工可感受過年氣氛,但賺錢卻是最重要。