大律師湯家驊順利當選，家人嘅支持功不可沒，八方前日見到湯太同湯狀愛子成日幫手企街拉票，非常落力。湯家驊心疼個仔咁辛苦，當湯公子喺將軍澳拉票助選時，父母特登買汽水慰勞兒子，真係父子情深。
到咗晚上十點半後，眾人移師九龍灣展貿新聞中心等結果，八方赫然見到湯公子換下一身便服，着住全套校服陪住媽咪喺九展新聞中心行嚟行去。
原來湯公子好擔心爸爸選情，但第二朝一早又要返學，為免等得太夜要返屋企換校服，所以助完選預早返屋企換定衫，以便通宵陪父母等消息，可惜選舉事務處效率太慢，要到第二朝九點幾先有結果，湯公子應該等唔到陪爸爸慶祝當選嘅一刻。
湯狀今次選得咁辛苦，勝出就好應該同老婆囝囝去休息一下，然後再上征途。


傳真︰2623-9278
電郵︰[email protected]