今晚台慶環節同往年一樣，嚟唔開唱吓歌玩吓遊戲派吓錢，總之做到人才濟濟星光熠熠就收貨，究竟唱成點跳成點，老實講，應該冇乜人會理！

不過今晚其中一個環節，成班女藝人包括黃智雯、朱晨麗、陳凱琳、黃心穎同陳庭欣，組成合唱團唱容祖兒首《我的驕傲》同鄭秀文首《星秀傳說》嗰陣，個個把聲尖到呢，唔睇字幕，你又估唔估到唱緊乜！

之但係，唱歌只係配菜，剝衫露肉先係主菜。開頭佢哋着住件十足口水肩嘅藍色袍，之後剝吓一件，剝吓又一件，最後得番條金黃色嘅迷你裙，喺鏡頭面前揚吓揚吓，唱緊乜？Who care？