噚晚泳兒嘅《愛.情歌泳兒音樂會》喺香港演藝學院舉行，喺演唱會尾段嘅時候，泳兒仲感觸落淚，訪問嘅時候，問到佢做咩咁感觸，佢就話：「因為一月嘅時候，冇啦啦失聲，把聲仲越嚟越沙，為咗呢件事當時仲失眠。仲去搵神醫、針灸忺都試下，直至喺日前就有個朋友介紹個女中醫，食咗啲藥之後，把聲都好番啲，高音啲嘅位都上到。」

泳兒仲講笑話返到去到拜神，佢話：「難得十年嚟有自己嘅音樂會，完騒之後會主力休息，養好自己嘅身體先。」之後講到喺演唱會其中一段，有男舞蹈員拍佢屁股，問到男朋友有冇介意，佢就話：「我一落台男朋友就讚我。」

泳兒又話情人節嘅禮物係一件羽絨，因為都知佢病得好緊要，泳兒就送咗啲工作用嘅嘢畀男朋友，但係就唔講得係咩嚟。問到喺台上講到男朋友好支持佢，佢就話：「喺失聲嗰段期間，我會突然喊，男友知我情緒唔好，仲差少少有情緒病，我都知自己有啲小脾氣，但佢都對我好好，所以成個騒嘅感覺係同佢拍住上。」