現年42歲嘅韓國綜藝節目《Running Man》(RM)成員金鐘國近年不時被催婚，佢亦坦言自己想結婚，但目前仍未有對象。不過金鐘國就與《RM》成員宋智孝及女星洪真英傳出緋聞，事關金鐘國與前者合作多年有默契，被粉絲湊成「能力者CP」，後者亦因多次演出《RM》與金鐘國嘅互動而引起粉絲熱鬧討論。

金鐘國於噚晚播出嘅綜藝節目《我家的熊孩子》中，與《RM》嘅HaHa、楊世燦再提到結婚嘅話題，金鐘國表示：「希望今年開始交往，明年秋天結婚。」楊世燦就直言：「40歲前，我以為我想結婚就可以結，但事實唔係，年紀越大，可以選擇嘅餘地就越細。」

HaHa之後就提到金鐘國與洪真英嘅緋聞，問兩人係咪真係拍緊拖，金鐘國感到慌張並立即否認。HaHa又繼續追問：「如果喺宋智孝、洪真英兩者間揀一個理想型，你會揀邊個？」金鐘國再次強調智孝係家人，如果一定要選理想型嘅話，就會揀洪真英。

更多韓流，喺晒《娛果》
http://fb.com/appledailyent