黃竹街老婦捱七人車撞捲車底 15壯漢抬車救人
蘋果日報 2020/12/03 16:45
黃竹街基隆街車禍
深水埗黃竹街與基隆街交界，早上11時08分，71歲姓陳老婦過路期間意外跌倒，並被一部由基隆街駛至的七人車撞及，老婦捲入車底，其間10多名熱心市民，包括附近裝修工人見狀，發揮救人精神，合力抬起七人車，將陳婦救出，救護員接報趕至，將重創陳婦送往明愛醫院搶救，地上遺下一對布鞋及一袋餸菜，警方正調查意外原因。43歲姓李男司機，涉嫌危險駕駛引致他人身體受嚴重傷害被捕，現正被扣留調查。陳婦隨後轉送瑪嘉烈醫院搶救。
救人市民：傷者隻手磨到見骨
其中一名在附近汽車美容公司任職的熱心市民湯先生，他當時正在舖外為客人洗車，突然聽到有人大嗌「幫手」，「走去見到咁多人圍住，成10幾20個人抬起車身，淨係有人抬車，我就幫手拉佢（女傷者）出嚟，佢應該好嚴重，手都磨到見骨，佢仍然清醒，但冇嘢講。」救護車約3分鐘到場。
湯先生說，當時女傷者仍有知覺，「佢眼碌碌，兩隻手仲識郁，佢趴喺近車右裙邊位，頭向車尾，個人屈住。」他說從未試過這樣救人，「都有啲驚，見佢傷得好緊要，未見過撞車撞得咁緊要！」他又表示，現場基隆街較少發生交通意外，反而大南街路口較多。
地面遺下一袋餸菜。
警方封鎖黃竹街現場調查。
七人車司機在警車上協查。
湯先生指有10多20人合力抬車救人。
-----------------------------
你敢爆，我敢獎！ 立即WhatsApp 《蘋果》24小時爆相爆片熱線 或致電：63836568
-----------------------------
《蘋果》英文版免費試睇：了解更多
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！