周日英超除了有早場的倫敦打吡外，尾場的曼聯迎戰愛華頓亦話題性十足，因「月巴」朗尼離紅魔重返「拖肥糖」後，首次領軍倒戈，而紅魔亦有盧卡古及費蘭尼等鬥舊東家。雖然愛華頓今季招兵買馬，爭霸之心明顯，但始終新兵太多，磨合需時，加上近況一般，似虛火居多，就算曼聯缺保羅普巴兼讓一球/球半，仍捧上盤。（球賽編號：星期日36；now621台及樂視今日11:00pm直播）
重返歐聯的曼聯在上周中有好開始，於主場輕取巴素利三球，美中不足的是中場保羅普巴在該役勇戰受傷，今役要缺陣。不過，曼聯陣容依然強勁，主力如前鋒拉舒福特、中場尼曼查馬迪及米希達利恩等全部可以候命，加上今夏由愛華頓加盟的前鋒盧卡古有貨交，於聯賽四場入四球，今役不難射破拖肥糖大門，要讓至一球/球半，仍然不嫌多。

愛華頓冇火防線弱

愛華頓今夏有盧卡古離隊，但球隊擴軍表現積極，補入了前鋒辛度拉美利斯、中場基菲爾施古臣、卡拉臣及門將比克福特等，加上從曼聯回歸的前鋒朗尼，今役更希望可以在奧脫福顯身價，以向紅魔領隊摩連奴顯顏色。
不過，愛華頓於季初創下正式比賽四連勝之後就無以為繼，近三場全敗兼零入球，更共失掉了八球，球隊似乎開始「現形」。畢竟，拖肥糖目前新兵眾多，領隊朗奴高文或仍需要時間，以找出一個最理想的陣容，今役作客曼聯，就算球員希望振作，亦恐怕有心無力。（此場設「首名入球」及「球員──特別項目」投注）
譚拔士
Skybet公關總監