恭喜恭喜！曾演出韓劇《大話妹》同《最佳婚姻》嘅36歲女星朴詩妍，今日宣佈將會再次做媽咪，佢已經懷有第二胎7個月！事務所說：「朴詩妍陀B已有7個月，o依家會專心安胎。」

朴詩妍喺2011年同圈外人結婚，兩年後生女，咁啱過兩年又再次有喜，四年抱兩認真可喜可賀，不過唔知今胎係B仔定B女呢？

朴詩妍說：「今年得到最大嘅祝福，當想到會成為兩個孩子嘅母親，感到好幸福。雖然有啲擔心，但我會努力成為一個責任感強嘅母親。作為女演員亦不會忘記初心，會向大家展示真摰嘅一面，請大家期待我今後嘅活動。」