何韻詩前日喺同志遊行上承認同志身份，噚日凌晨，阿詩喺微博寫咗段感想（全文見附圖），佢話前面有更大嘅仗要應付，仲要繼續為同志發聲，佢嘅留言得到唔少圈中好友好似舒淇同劉美君等留言撐佢，曾經同阿詩合演舞台劇《賈寶玉》兼傳緋聞嘅台灣演員鄧九雲，亦留言：「With love，to a better world」。當年同阿詩傳緋聞嘅容祖兒，近日被指同男友劉浩龍去咗韓國旅行，佢兩個一隻字都冇留畀阿詩。

吳浩康噚日睇電視見有人批評同性戀係罪，都忍唔住做個粗口手勢同留言爆粗。另外，商台DJ余迪偉前日有份參與同志遊行，噚日佢喺九龍灣出席活動時話，自己曾被拍得去gay吧，搞到佢冇咗個工作機會，覺得被歧視。
撰文：馮仁昭