今日係韓國年度盛事《MAMA音樂頒獎禮》，同上年一樣繼續喺亞博館舉行，《MAMA》每年都會請一位香港巨星擔任壓軸頒獎。

呢年嘅壓軸嘉賓，就係「金句王」黎明喇！佢已經喺會場做足準備，韓劇《六龍飛天》男星劉亞仁主動入後台同黎明打招呼，劉亞仁仲趁機同黎明合照。

黎明原本同韓國女神宋慧喬相熟，而劉亞仁同喬妹又係同一個經理人，所以黎明同喬妹個經理人亦都認識，劉亞仁好識做即同黎明打招呼及合照。