為咗破紀錄，36歲嘅史篤城前鋒高治仲踢多成30年？

英格蘭前鋒高治喺Twitter畀球迷問到，仲要幾多季先至可以破到舒利亞紀錄，充滿幽默感嘅就回應話︰「我已經搞掂咗，英格蘭嘅退休年齡係65歲，係咪，所以我應該差唔多。」高治嘅回應甚得網民欣賞，好快已經有20,000幾個like同接近7,000個轉發，不過有人提醒佢英國退休年齡將會提高到68歲，所以其實仲有再多三季時間可以追呢！

英格蘭名宿舒利亞喺效力紐卡素同埋布力般流浪期間總共喺英超射入咗260球，係英超歷來入波最多嘅球員，高治喺英超暫時有103個入球。