鴨脷洲大橋橋底，今日中午有地盤工人發現一砂煲內藏有人頭骨，警方經調查後初步相信是漁民習俗，為先人起骨後放置該處，或好心人所為。惟有玄學家卻「唱反調」，指從未有聽聞，認為甚少有人會將先人骸骨放入砂煲，安放於海邊及橋底，懷疑有人另有目的，將對方骸骨異地處理。

玄學家吳佩孚指出，為先人起骨，「冇理由帶個砂煲去，唔係放入罌度，都應該用布匹包起佢」，「同埋又冇名冇姓，後人都唔知點祭祀。」他認為，如是好心人發現，亦應安置於廟宇或公眾墓冢等，認為如此做法等於「好心做壞事」。

玄學家區仲德亦指，據他所知漁民會採用火葬、土葬或水葬等，甚少會如此做法，放於海邊橋底，就算好心人見狀，亦不會將骸骨亂放入砂煲內，認為好大機會是有人另有目的，將對方的屍首置於煲內，再棄於橋底。

想睇最新消息？　即時follow【現場－蘋果突發】 fb！ http://fb.com/applecitycrime