方力申﹑王菀之﹑寸嘴Barbie夏尉喻﹑陳婉衡及許雅婷等，噚晚出席新戲開鏡活動，雖然天氣轉涼，但寸嘴Barbie﹑陳婉衡及許雅婷，仍搏晒命谷胸搶鏡，當中寸嘴Barbie條事業線真係長到呢.....成功胸贏其他女星。

寸嘴Barbie與陳婉衡受訪，問佢哋喺戲中使唔使咁性感？寸嘴Barbie表示：「戲中擔任性感尤物角色，畀啲男觀眾有幻想空間，同小方有對手戲，詳情唔可以透露，因為會有特別嘢。」

陳婉衡就話戲中演許紹雄個女：「係不孝女，睇劇本時都覺得幾討厭乞人憎，初接劇本時有壓力及擔心，驚做唔到，但一埋位，Benz雄（許紹雄）畀到爸爸感覺我，放鬆咗。」